} $(window).on("scroll touchmove", function() { $("#cc-cookies").css({"position": "relative"}, $(document).scrollTop() > 32); }); Provincia di Oristano | Ortos de tzitade – Bandu pro 38 partes in carrera Anglona
Logo della Provincia di Oristano

Provincia di Oristano - sito web ufficiale

Ortos de tzitade – Bandu pro 38 partes in carrera Anglona

31/03/2022  - 

Su Comune de Aristanis at publicadu su bandu pro assignare 38 ortos de tzitade pro tres annos in Torangius (carrera Anglona).

“Su progetu est nàschidu in sos annos colados e est istadu ùtile meda pro agiuare sas famìllias a parare fronte a sa crisi ma finas pro favorèssere s’inserimentu sotziale, e cherimus sighire in custa àndala” ponet in evidèntzia su sìndigu Andrea Lutzu chi ammentat chi sa domanda pro sos ortos de tzitade la podent presentare famìllias, assòtzios, iscolas, ludotecas ma finas gente manna chi cheret fàghere un’ortigheddu pro s’ispassiare.

“Sos ortos de tzitade sunt un’istrumentu apretziadu meda pro creare ocasiones de relatziones intre sas persones e pro torrare a imparare sas artes de sa traditzione, ma finas pro agiuare su rèdditu de sas famìllias – agiunghet s’assessore a s’Ambiente Gianfranco Licheri. – Sos ortos de tzitade si podent prantare a ortalìtzia, frores e fruta pro consumu personale ebbia, rispetende su chi disponet su regulamentu comunale. Dant sa possibilidade a sa gente de amministrare sos logos comunes totu paris e permitint de connòschere mègius argumentos comente su rispetu de s’ambiente e s’impreu de produtos de calidade pro favorèssere un’alimentatzione sana e segura”.

“Su progetu – sighit s’assessore Licheri – est nàschidu pro innetare sos terrinos isbandonados, a manera de megiorare su paesàgiu urbanu e de limitare su degradu”.

Su Comune ponet a disponimentu 38 partes: 15 pro sa gente manna, 20 pro sas famìllias, 1 pro iscolas, ludotecas e tzentros de agregatzione, 2 pro assòtzios. Pro onni parte si pagat unu tantu a s’annu (dae sos 25 a sos 40 èuros a tenore de sa mannària de sa parte).

Sas domandas (in busta serrada) cherent cunsignadas a s’Ufìtziu Protocollu de su Comune de Aristanis intro de sa una (h 13,00) de s’8 de abrile 2022. S’ufìtziu est abertu dae su lunis a sa chenàbura in oràriu 9,00-13,00.

Sa domanda si podet mandare finas cun posta ordinària a s’indiritzu “Ufficio Protocollo del Comune di Oristano – Piazza Eleonora n° 44 – 09170 Oristano” o imbiare cun posta tzertificada a s’indiritzu istituzionale@pec.comune.oristano.it.

Su bandu cumpletu est publicadu in su situ istitutzionale (www.comune.oristano.it) e sos mòdulos s’agatant finas in s’URP e in s’Informatzitade.

Chie cheret carchi informatzione in prus podet iscrìere a sos indiritzos pierpaolo.cuccu@comune.oristano.itgiorgio.vacca@comune.oristano.it o telefonare a sos nùmeros 0783-791270 – 0783-791340.

(GF.P.)