Logo della Provincia di Oristano

Provincia di Oristano - sito web ufficiale

Sardegna Virtual Archaeology

31/03/2022  - 

In su situ temàticu de sa Regione sarda www.sardegnacultura.it est publicadu su progetu "Patrimonio culturale Sardegna Virtual Archaeology" in ue s’agatant  ricostrutziones tridimensionales de giassos  culturales de importu pro s’istòria de sa Sardigna.

Tres sunt sos giassos archeològicos de sa provìntzia de Aristanis chi sunt in custu progetu: su giassu archeològicu de Tharros, sos bagnos (termas) romanos de Forum Traiani, e su giassu de sas basìlicas de Cornus.

Pro ogni situ archeològicu, in prus de sos inditos de in ue sunt, s’agatant ischedas diferente – cun fotografias,  percursos virtuales, video, ricostrutziones 3D – dedicadas a s’istòria, a aprofundamentos, a sos monumentos e a sos repertos.

Sos giassos archeològicos, partzidos in 5 èpocas istòricas dae s’època prenuràgica a cussa moderna, si podent visitare a manera virtuale e comente chi si ddue siat a intro.

Totus sas notìtzias si agatant in 5 limbas (italiana, inglesa, frantzesa, tedesca e ispagnola) in su situ:
virtualarchaeology.sardegnacultura.it.

Sa punna de su progetu est de èssere un’aina pro connòschere  mègius e dare valore a su patrimòniu archeològicu cun sa tecnologia digitale e fintzas cun s’impreu de sas limbas istràngias.

(MM)