Postale de sa limba sarda
Progetu pensadu dae sa Provìntzia de Aristanis
In custu libreddu si agatant sos contenutos didàticos chi paris cun su Postale de sa limba sarda, unu postale a beru, ant biagiadu peri totu sos 88 Comunes de sa Provìntzia de Aristanis.
Istudiantes, amministradores e tzitadinos, ghiados dae sos operadores de s’Ufìtziu de sa Limba e de sa Cultura sarda de sa Provìntzia de Aristanis, sunt pigados in pitzu de su postale pro intèndere, bìere, connòschere, faeddare de custos argumentos.
Su progetu est lòmpidu a sas iscolas, s’est firmadu a in antis de sos Munitzìpios, est andadu in sas pratzas pro faeddare de su sardu in iscola, in s’Amministratzione pùblica in sas cosas de ogni die; pro resonare de sas limbas de minoria; pro connòschere su profetu de su bilinguismu.
Podides pedire su libru compilende su mòdulu chi agatades INOGHE e mandende.lu a s'indiritzu limbasarda@provincia.or.it.
