Movendi de custa giòbia, 25 de abrili, sa Turri de Marianu II in Pratza de Roma, at a aberri totu is diis de sa ora de is 10 de mangianu finas a sa 1 de meigama e de sa ora de is 4 finas a is 7 de merii.
At a essi su personali de sa Fundatzioni “Oristano” a ghiai is abisitadoris ònnia 30 minutus movendi de s'oràriu de abertura.
S'intrada a sa turri si pagat, su costu de su billetu mudat sendi € 3,50 sa tarifa intrea e € 2 cussa amenguada po is studiantis de 6 annus finas a is 17, po is mannus cun prus de 65 annus e po tròparas de assumancu 15 personis.
De contras, no ant a pagai is disàbilis e un'acumpangiadori.
Po ndi sciri de prus e po si allistrai in antis tocat a scriri una mail a visiteguidate@fondazioneoristano.it o a tzerriai a telèfonu a is nùmerus 0783791262 o 3756188060.