A su de oto meses de s’annu, in su de 8 annos a in antis de Cristos, ddi ant postu su nùmene de Austu (Augustus ) in onore a s’imperadore Otavianu Augustu.
Fintzas s’italianu Ferragosto, in sardu Mesaustu, est acapiadu a su matessi imperadore, difatis cheret nàrrere feriae Augusti, su pàusu de Augustu.
Si contat ca, pro acuntentare a s’imperadore, dd’ant allonghiadu de una die pro èssere che a pare de su mese de Trìulas, dedicadu a Giùliu Tzèsare; ma su mese de Austu fiat giai in antis de 31 dies e, duncas, diat èssere una cosa imbentada.
(MM)
