Su 1 de maju in Crabas nci at a a essi sa ciclopedalada de su Sinis.
S'atobiada est aberta a totus, finas a is chi non tenint sa residèntzia in su Comunu de Crabas e duncas finas a is turistas.
Po podi pigai parti tocat a s'iscriri e pagai 2,50 èurus po sa cobertura assiguradora e sa mallieta (finas a spaciai). Fait a s'iscriri in antis in s'oficina de is fradis Camedda in sa bia de Tharros o in sa Cartolibreria La Sirenetta in sa bia De Castro.
Is pipius asuta de is 12 annus non podint andai a solus ma cun unu mannu.
S'atòbiu at a essi in Pratza Don Sturzo, a is 8 de mangianu. Apustis de ai fatu sa lista e donau is mallietas, sa tròpara at a movi a is 9 oras e mesu faci a Santuanni, firmendi-sì faciora a is 10 e mesu in Santu Srabadori.
Apustis de ai passau una dii a cuntatu de sa natura a is 5 e mesu de merii nci at a a essi su boddeu in sa pratza centrali de Santuanni po furriai a Crabas.
