Sunt durcis a forma de rombu, aromatisaus cun limoni e cannella e chi portant a suba una capa de tzùcuru. Ddus agataus in totu sa Sardigna ma is prus nomenaus sunt cussus de Aristanis.
Ita serbit po fai custus durcixeddus?.
- 500 grammus de farra;
- 750 grammus de tzùcuru
- 30 grammus de fromentu;
- 1 cuciarinu de bicarbonau;
- 1 cuciarinu de cannella;
- 1 limoni
Comenti si faint?
Tocat a cumassai sa farra cun s'àcua chi serbit e su fromentu. Lassai pausai po unas cantu oras. Apustis si sighit a cumassai aciungendi 500 grammus de tzùcuru, su bicarbonau, sa cannella e su croxu de su limoni trattau. Si lassat axedai po duas diis. Candu si torrat a pigai s'impastu tocat a ddu sterri fadensi unu pillu de sa grussesa de unu centimetru prus o mancu. Cun unu gortedu si faint is rombus chi tocat a ddus ponni in una tèllia lunta cun ollu e farra. Si inforrant e si faint coi a fogu ne artu meda ne bàsciu meda finas a candu diventant a colori de oru/castàngia.
Una borta chi ndi ddus bogais de su forru, ddus depeis lungi a suba cun pagu pagu capa, chi si fait ammesturendi a banniumaria s'arbu de s'ou e su tzùcuru.