Sighit sa faina de preventzione e disinfestatzione contras a sa sìntzala, cun monitoràgios e tratamentos fitianos contras a su berme chi su Servìtziu de Disinfestatzione de s'Ente faghet in is tzentros abitados e acanta a is Comunos de su territòriu de sa provìntzia.
S'ant a manigiare produtos biològicos de “Bacillus thuringiensis” o, cando faghet, reguladores de crèschida pro is putzetos de is bias, funtanas o àteros logos in ue s'istàngiat s'abba in su solu pùblicu de biddas o de acanta.
Contras a sa sìntzala est de importu s'agiudu de is Entes pùblicos, de is organizatziones pùblicas/privadas e prus de totu de is tzitadinos chi in is pertinèntzias issoro ant a dèpere evitare de fàghere istangiare s'abba, ant a dèpere parare fache a inghitzu de impestamentos cun produtos biològicos chi si podent agatare in is potecarias o butegas de produtos pro sa massaria o giardinàgiu, a s'incurare de nde messare s'erba o pudare, chirchende de non lassare muntones de trastos chi non si usant o de àliga chi podent fàghere de oprigu a sa sìntzala e àteru babballoti.
Is tratamentos contras a sa sìntzala giai formada imprende prodotos chìmicos ddos ponet in contu su Pranu Natzionale de preventzione, de is arbovirosis 2020-2025 solu essende-ddoe tzirculatzione de virus in àreas lacanadas.
Custos tratamentos non sunt de pigare comente a preventzione.
Sa preventzione si pònet in pràtica cun s'ispricullu, incuru e sanamentu de su territòriu e boghende-nde s'inghitzu de impestamentos o parende fache cun produtos aposta e rispetosos de is àteros organismos e de s'ambiente.
