Domigu passau, 24 de martzu in su cineteatru comunali de Sàrdara est partida a manera ufitziali sa rapresentatzioni de is òperas chi pertocant su Cuncursu Teatrali “Sàrdara in Teatru”, chi at cuncordau sa Proloco de Sàrdara gràtzias a unu contributu de “Fondazione di Sardegna”.
Sa manifestatzioni ponit in contu sa fasi A chi pertocat su “Cuncursu Teatrali” (comenti postu in contu in su bandu) e sa fasi B chi pertocat sa “Rassinna Teatrali”. Is duas fasis si amesturant apari donendi vida a una stasoni de atobiadas.
Custus eventus nascint de unu progetu chi pertocat sa promotzioni de sa lìngua sarda e de su teatru in totu is formas suas.
“Sàrdara in teatru” est unu cuncursu teatrali abertu a totu is cumpangias teatralis non professionistas, ant ammitiu a cuncursu is spetàculus in lìngua sarda cun tema fatus stòricus o mitus de sa Sardigna, finas rapresentaus cun ironia.
Una Giuria aposta at giudicau is spetàculus. Sa rapresentatzioni de is òperas chi ant bintu s'at a fai in su cineteatru comunali de Sàrdara in custas diis:
-
su 6 de abrili su segundu prèmiu de su cuncursu, at a andai in scena sa Cumpangia “Su Spàssiu” de Seddori;
-
su 13 de abrili su primu prèmiu de su cuncursu, at a andai in scena "Nakka Naranta" de Sàrdara;
-
sèmpiri su 13 tzerimònia de acabbu e procramu de su bincidori.
Ant a sighiri is datas de sa Rassina Teatrali cun is spetàculus de su 20 de abrili cun Gabriele Cossu, su 27 de abrili cun Alverio Cau e su 26 de maju cun i Tragodia.
Po ndi sciri de prus bai a sa pagina www.prolocosardara.it