} $(window).on("scroll touchmove", function() { $("#cc-cookies").css({"position": "relative"}, $(document).scrollTop() > 32); }); Provincia di Oristano | UFÌTZIU DE SA LIMBA SARDA
Logo della Provincia di Oristano

Provincia di Oristano - sito web ufficiale

COMUNU DE CRABAS – INDENNIDADI REGIONALI FIBROMIALGIA

04/03/2024  - 

Is chi patint de Fibromialgia, chi tenint sa residèntzia in Crabas, podit benefitziai de s’indennidadi regionali stabilèssia cun lei regionali 22 de su 2022.

S’agiudu econòmicu est paris a 800 èurus e serbit, asuta s’aspetu econòmicu, a melliorai sa calidadi de sa vida.

Po podi arriciri su benefìtziu tocat a tenni unus cantu rechisisus: tenni sa residèntzia in Crabas, tenni sa certificatzioni mèiga fata aintru de su 30 de abrili de ocannu anca unu mèigu specialista e non cussu de mexina generali atestat sa diànniosi de fibromialgia, e non benefitziai de àtera soventzioni pùblica donada sceti po sa diànniosi de fibromialgia.

Acontessendi de non bastai is resursas in su bilànciu regionali po s’annu 2024, su contributu s’at a donai cunforma a sa situatzioni econòmica de su benefitziàriu, a mesura de is lìmitis ISEE aici comenti arremonat s’avisu chi si podit ligi in su giassu istitutzionali de su Comunu de Crabas.

Su pagamentu de su contributu non s’at a fai bàsciu de arribai is resursas de sa Regioni Sardigna a su Comunu de Crabas.

Sa rechesta de contributu at a depi lompi a su Comunu cun lìtera arracumandada o intregada a manu a su Protocollu de su Comunu de su lunis a sa cenàbura, de is dexi de mangianu a is mesudii o finas mandada a posta eletrònica certificada a s’indiritzu protocollo@pec.comune.or.it o a posta eletrònica ordinària a s’indiritzu protocollo@comune.cabras.or.it aintru de su 30 de abrili pena su de abarrai foras.


Novas

Is Mustatzolus de Aristanis

29/02/2024  Is mustatzolus Sunt durcis a forma de rombu, aromatisaus cun limoni e cannella e chi portant a suba una capa de tzùcuru. Ddus agataus in totu sa Sardigna ma is prus nomenaus sunt cussus de Aristanis.

ITA ABBISITAI IN LÀCONI

27/02/2024  In Làconi eis a agatai binu bellu meda, durcis e cosa bona de papapi chi ant a èssiri unu motivu in prus po abbisitai custa bella bidda, chi at tentu non de diora sa bandera colori de aràngiu de su Touring club italiano.


Archivio novas