Provincia di Oristano - sito web ufficiale

Su 28 de abrile amos afestadu sa “Die de sa Sardigna” in Zrofolliu. S’Istitutu cumprensivu de Simaghis-Biddobrana est semper atentu meda a is chistiones de s’istòria, de sa limba e de s’identidade culturale nostra. Ocannu, una parte de is fainas de s’Iscola primària de Zrofolliu ddas ant cuncordadas a manos de pare cun s’Isportellu linguìsticu de sa Provìntzia de Aristanis (Avisu R.A.S. Tu.Li.S. 2024).

Gràtzias a su dirigente de s’iscola, prof. Giuseppe Scarpa, a is maistras de s’Iscola primària zrofolliesa (Maria Elena Casciu, Beatrice Cilla, Rita Delogu, Isabella Marras, Silvia Mastinu, Anna Pitzolu) e a is pipias/os chi, pro custu mangianu ispassiosu de festa identitària, sunt benidos in cumpangia de mammas, babbos, jajas e jajos.

                                             
A àteros annos, cun salude!

(A.N.G.)

In su 2017, in sa data de nàschida de Anton Janša, s’islovenu chi at imbentadu sas tècnicas de s’apicultura moderna, s’Assemblea Generale de sas Natziones Unidas at detzìdidu de dedicare una die a sas abes. Sas abes, chi a dies de oe sunt semper prus pagas, sunt de fundamentu pro s’impoddinadura de totu sos frores, fintzas de cussos de sas matas de importu pro s’alimentatzione nostra.

Un’àtera faina de s’Isportellu linguìsticu, cuncordada a manos de pare cun sa Biblioteca comunale “Antoni Cuccu” de Bàini. Giòbia 22 de maju 2025, a is sete e mesu de merie.