Mèrcuris 12 de Santugaine a sas 5,30 de sero
In sa Sala de su Tzentru Servìtzios Culturales in sa carrera Carpaccio in Aristanis
60 annos dae su Contzìliu Vaticanu II
S'addòbiu chi at cambiadu s'istòria de sa Crèsia
Cun:
Micheli Antoni Corona (Biblista, giornalista)
Antoni Nàtziu Garau (Giornalista, tradusidore-intèrprete)
Marcello Marras (Diretore de su Tzentru Servìtzios Culturales UNLA de Aristanis)
Su Contzìliu Vaticanu II est istada sa faina mundiale prus de importu in s’istòria de sa Crèsia e, forsis, de s’umanidade. A pustis de una pregunta pibincosa fata a totu is pìscamos de su mundu e a teòlogos e a àteras crèsias sorres (non catòlicas) pro chi aerent inditadu chistiones de importu, s’11 de su mese de santugaine de su 1962 est cumentzada sa prima parte de su Contzìliu, sighida dae àteras tres partes, fintzas a su 1965. Un’addòbiu de giudu pro sa Crèsia e pro sa sotziedade, chi in tretu de pagos annos diat àere connotu mudaduras fungudas. S’abertura teològica, bìblica e litùrgica a is limbas locales nos permitit de fàghere sa presentada totu in limba sarda.