Duas sorrastras originàrias de Aristanis, Paola Pesci e Sara Ferrara, sunt imbàtidas finas a Antàrtide pro connòschere mègius pinguinos e focas, e nch’ant leadu cun issas sa bandera de sos Bator Moros.
Sas duas sorrastras sunt partetzipende a unu giru turìsticu promòvidu dae su National Geographic, paris cun unu grupu de istudiosos. Onni die bient unu logu diversu e partètzipant a cunferèntzias interessantes meda.
Paola Pesci est biòloga marina e est traballende in s’Universidade de Casteddu. Sara Ferrara, imbetzes, est funtzionària de un’agentzia in s’Unione Europea, in Lussemburgu.
Sa fotografia de sas duas sorrastras cun sa bandera sarda l’at publicada in sos social su tziu Antonio Bellinzas, chi est istadu vitze sìndigu de Aristanis e diretore de su Tzentru de servìtzios culturales.
(GF.P.)
