In ocasioni de is 50 annus de sa scoberta de is Gigantis de Mont'e Prama sa Fundatzioni Mont'e Prama ndi at pesau, gràtzias finas a s'agiudu de su Ministeru de sa Cultura, Regione Sardigna, Comuni de Crabas e àterus, unu calendàriu arricu meda de initziativas chi a prus de s'archeologia, finas internatzionali, tocat cìnema, teatru, literadura e mùsica.
Funt medas is atobiadas in programma movendi de su 21 de làmpadas, in mesu a custas is spetàculus de Roberto Bolle e Fiorella Mannoia, La Pola, su Coru de Làconi o is cunferèntzias a pitzus de s'archeologia, de su restàuru de is stàtuas, de sa circa subàcuea in su stani de Crabas. E finas “Il vecchio e il mare” de E.Hemingway furriau in sardu.
Is initziativas s'ant a fai in Crabas, in s'àrea archeològica de Tharros, a Santuannie in su Museu Cìvicu, ma nci ndi ant a essi finas in Aristanis, Abbasanta e Làconi.
Po ndi sciri de prus scàrriga su manifestu in su giassu
https://monteprama.it
