Su comunu de Ollastra fait parti de s’Assòtziu de is Comunus chi sunt devotus a Santu Marcu, e chi ddi narant sa retza de is tzitadis Marcianas. Po mori de custa cunfraria, at a arribai in sa bidda de Ollastra sa làmpara de Santu Marcu chi at a abarrai in mosta po prus o mancu duus mesis.
Is istràngius chi nd’ant a betiri sa làmpara ant arribai a Ollastra su 27 de abrili e ant a èssiri arricius in municìpiu. Nci ant a èssiri finas is delegaus de Latina, sa tzitadi chi acasìgiat sa làmpara in custas diis.
Sa retza est nàscia in su 2019 in Castellabate, chi est diventau comunu cabufilera, e reunit 24 comunus. In Sardigna paris cun su comunu de Ollastra, at pigau parti a sa retza finas su comunu de Lei.
Ant a èssiri apustis is rapresentantis de su comunu de Ollastra a trantziri sa làmpara in un àteru comunu de sa retza, chi iat a podi èssiri o su comunu de Roggiano Gravina, in Calàbria, o cussu de Petriolo, in sa regioni marchigiana.
