Chenàbura 9 de nadale in su teatru Garau de Aristanis b’at istadu una tzerimònia dòpia: su giuramentu de sos dotores laureados a nou e sa premiatzione de sos dotores chi ant festadu sos 50 annos de làurea in sos annos 2020, 2021 e 2022.
Ocannu s’Òrdine provintziale at pòdidu torrare a s’apuntamentu pùblicu traditzionale, a pustis de duos annos firmos pro neghe de sa pandemia.
Sa tzerimònia est comintzada cun unu filmadu (realizadu dae sa Federatzione natzionale de sos Òrdines de sos dotores e de sos odontoiatras) chi denùntziat su disacatu chi est bivende su Sistema Sanitàriu Natzionale. Sas crititzidades, chi sunt essidas a campu de su totu cando s’est ispartu su Covid-19, las aiant giai antitzipadas sos trincos de dinari, sas assuntziones blocadas, sas istruturas derrutas, sa programmatzione isballiada, sas iscritziones a sas universidades sanitàrias programmadas male, etc. Cun una metàfora, sos dotores narant chi si sunt fatos “trasparentes” e chi “isparint”.
A pustis ant retzidu unu prèmiu (una pergamena) sos dotores chi intre su 2020 e su 2022 ant festadu sos 50 annos dae sa làurea: in sa zona de Aristanis su prèmiu l’ant retzidu sos dotores Francesco Cabras, Ernesto Denotti, Carlo Giordano, Franca Oppo, Pasquale Trebisonna e Massimo Zucca.
A ùrtimu ant giuradu sos dotores Barbara Cadoni, Giovanna Paola Caratzu, Alessandro Cauli, Ana Maria Constantinescu, Gian Luca Demontis, Diletta Deplano, Maria Fuentes Villajos, Claudia Gessa, Lorella Rita Ginesu, Giorgia Maria Granese, Marina Ivanova, Federica Lepori, Cristina Loi, Gianvittorio Manca, Cinzia Marcialis, Laura Melis, Arianna Mocci, Laura Murtas, Giulia Pani, Francesca Passiu, Silvia Penduzzu, Daniela Pinna, Rossella Piras, Michele Ruggiu, Roberto Saba, Luca Salis, Margherita Sanna, Fabiola Serra, Francesca Serra, Giuliano Spanu Zucca, Francesca Tatti, Francesca Trincas, Ismaele Zerrouk.
(GF.P.)
