Sighint sos apuntamentos cun “Navidad Nuestra”, su cuntzertu fatu dae s’orchestra cumposta dae sa Polifònica Arborense, su coro “Città di Oristano” e su grupu Nazka, cun sa diretzione de su mastru Alessio Carrus.
Eris 28 de nadale si sunt esibidos in Marrùbiu in sa crèsia de Nostra Signora de Monserrat: Ariel Ramirez at interpretadu una regorta de dantzas latinu-americanas a tema natalìtziu.
Su 5 de ghennàrgiu sos coros ant a torrare a Aristanis cun sa rassigna sòlita de Nadale chi si faghet in sa crèsia de Santa Chiara.
A pustis de sa trasferta in Vaticanu, sos tres coros ant cantadu un’àtera borta in Aristanis su 26 de Nadale, in sa Sea prena de amigos de sa mùsica e de apassionados chi fiant curiosos de connòschere custu progetu nou, chi bidet sas tres realidades musicales de Aristanis collaborende paris in amistade, boghende a campu sonoridades e traditziones latinu-americanas.
(GF.P.)
