S’Assessorau a sa Cultura de su Comunu de Aristanis paris cun sa Fundatzioni “Oristano” at cuncordau s’initziativa “La domenica della storia”.
Po podi pigai parti a s’initziativa si pagat unu billetu de 3 èurus e tocat a s’iscriri a posta eletrònica a s’indiritzu organizzazione@sartiglia.info o a telèfunu 0783030333.
Su boddeu at a essi a is 10 e mesu de mangianu de domigu 6 de su mesi de ladàmini de su 2024 in su Tzentru de Documentatzioni de sa Sartiglia in sa bia de Eleonora a su nùmeru tzìvicu 15.
In duas oras is piciocas de su servìtziu tzivili de sa Fundatzioni chi traballant in s’archìviu comunali e in su tzentru de documentatzioni ant a proponni 5 tapas in su tzentru stòricu de Aristanis.
Ant a contai crosidadis e novas asuba de fatus acontèssius in tzitadi movendi de sa pesta, tochendi sa stòria de is arrobatòrius de is turcus finas a s’unda manna de su Tirsu.
