Cenàbura 5 de su mesi de argiolas a incingiai sa de 26 editzionis de su festival “Dromos” at a essi un'ammosta de arti contemporànea internatzionali “F**KING CHANGE così giusto, così sbagliato”.
A custa ammosta si ndi incurat Chiara Schirru e Ivo Serafino Fenu.
At a essi aberta a sa genti movendi de su 5 de su mesi de argiolas finas a totu cabudanni, totu is diis de sa cida a mangianu, de is 10 a sa 1, e a merii de is 4 a is 7. Po intrai si pagat unu billetu de 5 èurus.
Ant a pigai parti de s'ammosta prus de setanta òperas de trintaduus artìstas nodius chi in prus de sa Sardigna ndi apròliant de Continenti e de s'Èsteru.
S'ammosta si est pòtzia fai finas gràtzias a s'agiudu de is colletzionistas Antonio Manca e Giuseppe Demara.
