Sa stasoni de prosa de su CEDAC tirat ananti cun su spetàculu “Ottantanove” de Elvira Frosini e Daniele Timpano chi ant a fai finas a protagonistas in scena impari a Marco Cavalcoli.
Su tìtulu de s'òpera si nci portat a sa data de sa Rivolutzioni Francesa chi iat avollotau s'Europa, cun s'acabbu de s' “Ancien Règime” e su procramu de sa Repùblica pesada asuba de is princìpius de libertadi, aguallàntzia e afradiamentu e asuba de sa decraratzioni de is deretus de s'òmini, ma si nci portat finas a s'arruta de su Muru de Berlinu.
Ant traballau a custa òpera Omar Scala cun su disènniu luxis, Marta Montevecchi cun is scenas e costùminis, Lorenzo Danesin cun is mùsicas e progetu de sonus.
Po ndi sciri de prus e po connosci su costu de su billetu po intrai tocat a telefonai a Elio Orrù a su nùmeru 3356098056.
