S’Assòtziu de Promotzioni Sotziali “Itinera Romanica, Amici del Romanico”, in s’àmbitu de is fainas suas fatas po favoressi sa connoscèntzia de su Romànicu sardu, at cuncordau, cenàbura 18 de su mesi de làmpadas, a sa ora de is 6 e mesu de merii in sa Sala Pio X de su Museu Diocesanu Arburensu de Aristanis, sa presentada de su lìburu, torrau a imprentai, “Donne Protagoniste del Medioevo Sardo” (Carlo Delfino editori) a incuru de prof.ssa Rossana Martorelli de s’Universidadi de Casteddu.
Impari a issa ant a pigai parti a s’atòbiu Nicoletta Usai, prof.ssa assotziada de “stòria de s’arti medievali” de s’Universidadi de Casteddu, su stòricu Mauro G.Sanna e s’editori Carlo Delfino. At a arraxonai de su lìburu cun cussus sa giorronalista Simona Scioni.
