Su Comuni de Aristanis, cun s'Istitutu Stòricu Arburensu e s'Assòtziu Culturali “Oristano nascosta” at cuncordau unu seminàriu “Alla scoperta di Oristano nel medioevo - Nuovi studi e ricerche”.
S'atòbiu s'at a fai sàbudu, 27 de su mesi de argiolas de su 2024, in sa crèsia de Santa Crara de Aristanis a is 10 e mesu de mangianu e at a donai s'oportunidadi de fai connosci a is chi pigant parti, is stùdius e circas fatas chi pertocant Aristanis in tempus medievali.
In mesu a totu s'ant a ammostai is datus de is rilevamentus fatus cun su georadar, de custu ndi at a chistionai beni Antonio Trogu chi ddus at fatus me in is bias acanta de is fraigus de Santa Crara (chi at bòfiu a ddus fai s'ISTAR) e in pratza de Mannu (chi at bòfiu a ddus fai s'Amministratzioni comunali fadendi traballus).
In su seminàriu, apustis de is saludus de su Sìndigu, de s'Assessori a sa Cultura de su Comuni de Aristanis e a s'abbadissa de su Munistei de Santa Crara, at a pigai su fueddu Erika Vivian (Presidenti ISTAR), Antonio Trogu (Henge srl), Maria Grazia Mele (mediovalista e circadora in su CNR) mentras at a fai su moderadori Marco Gaetano Piras (presidenti de s'Assòtziu “Oristano nascosta”).
Su seminàriu est abertu a totus.
