Asd Sinis Skating Club, cun su patrocìniu de su Comuni de Aristanis e s'AICS cuncordat su primu Trofeu “Eleonora d'Arborea”.
Custu eventu s'at a fai in su Palasport de Sa Rodia, sàbudu 13 de abrili movendi de is 2 e mesu de meigama finas a is 8 de merii e totu su domigu 14 de abrili inghitzendi a is 8 e mesu de mangianu finas a is 8 e mesu de merii.
Su Trofeu at a sighiri totu is arrègulas de su patinàgiu artìsticu a rodeddas chi at stabiliu s'AICS e at a biri atletas, de 3 a 17 annus de edadi, fai a trivas de pari.
Ant a essi 340 chi ndi apròliant de Casteddu, Assèmini, su Masu, Maracalagonis, Cabuderra, Serdiana, Pauli, Nùgoro e de sa Provìntzia de Aristanis, chi faint parti a unas cantu sotziedadis.
S'intrada non si pagat.
