Su Comunu de Aritzo at publicau sa II editzioni de su Prèmiu “Bachis Sulis”, a tema, ocannu, asuba de s'emigratzioni in Sardigna “Migrantes”.
Su prèmiu poèticu nascit cun sa punna de favoressi òperas noas in lìngua sarda e de valorizai sa figura de su poeta aritzesu.
Podit pigai parti a su cuncursu a chi totu bolit (bastit chi apat fatu is 18 annus de edadi) e sena de pagai nudda.
Si podit pigai parti cun non prus de tres òperas mai imprentadas prima e si acetant totu is variantis linguìsticas de Sardigna.
Su Prèmiu est partziu in tres setzionis a scadèntzia diferenti:
- SETZIONI GENERALI, scadèntzia a su 31 de su mesi de ladàmini de su 2024,
- POETAS DE SU LOGU, scadèntzia a su 31 de su mesi de ladàmini de su 2024,
- SCOLAS, scadèntzia a su 15 de onniasanti de su 2024.
Podint pigai parti a custa ùrtimu setzioni totu is studiantis de is scolas de ònnia òrdini e gradu de is scolas chi arruint in sa Comunidadi Montana Gennargentu Mandrolisai.
Sa premiatzioni de is primu tres classificaus a cadauna setzioni s'at a fai su 7 de su mesi de idas de su 2024.
Po ndi sciri de prus tocat a telefonai a su nùmeru 349 8464409 o andai a sa pàgina “Facebook” de su cuncursu poèticu Bachis Sulis o sinuncas a su giassu istitutzionali de su Comunu de Aritzo.
