Sa Diretzioni Generali de sa ASL 5 de Aristanis at istituiu su servìtziu asuba de is strobbus alimentaris, unu servìtziu nou de agiudu po totu cussus tzitadinus chi patint de patologias acapiadas a su mandiari. Est una nova de importu chi arruit inderetura in ocasioni de sa Giorronada po sa gherra a is Strobbus Alimentaris de su 15 de martzu.
Gràtzias a unu grupu bellu de traballu cun operadoris de unas cantu disciplinas, su tzitadinu abisongiosu at a arriciri valutationi clìnica, diànniosi a fini a fini de is strobbus alimentaris, agiudu psicoterapèuticu e psichiàtricu scerau aposta po cussu po parai faci a sa situatzioni sua.
In prus su servìtziu at a donai consulèntzias dietèticas deretas a favoressi unu raportu sanu cun su mandiari, at a incarrelai programmas de educatzioni e sensibilizatzioni po sa comunidadi.
Po ndi sciri de prus de su servìtziu nou si podit scriri a s'indiritzu de posta eletrònica dna.oristano@asloristano.it