Su Consultòriu familiari de su Distretu de Aristanis at incarrelau unu servìtziu nou de agiudu psicològicu po is familiaris de patzientis oncològicus.
Su servìtziu movit fadendi atòbius de grupus de genti chi at tentu lutu in domu perdendi unu familiari malàdiu de tumori. In ònnia grupu is chi pigant parti ant a sperimentai solidariedadi e cumprensioni de chi est bivendi sa pròpia esperièntzia.
Is tzitadinus interessaus a custu servìtziu de agiudu podint scriri a s'indiritzu de posta eletrònica benesserepsicologico.consultorio@asloristano.it o tzerriai a is nùmerus 0783 317087 – 3177087 – 317700, si podint pregontai informus asuba de su servìtziu o fai parti de is fainas de is grupus, su Consultòriu s'at a incurai de ddus torrai a cuntatai.
