Su Responsàbili de su Tzentru trasfusionali de s'ispidali de “San Martino” de Aristanis, dot. Mario Murgia, torrendi gràtzias a chi giai ddu at fatu, at invitau a totu is tzitadinus de andai, finas in su mesi de austu e in totu s'istadi, a su Tzentru trasfusionali po s'arragorta de su sànguni.
In Aristanis totu cussus chi bolint donai su sànguni podint andai a su Tzentru trasfusionali de s'ispidali “San Martino” totu is diis de sa cida, foras de su domigu, de is 8:00 de mangianu a is mesudii e no abisòngiat a si allistai in antis.
Me in is biddas is voluntàrius de is setzionis localis de s'AVIS de totu sa provìntzia ant a essi: cenàbura 9 a Bosa, sàbudu 10 a Bauladu, domigu 11 a Marrùbiu e Baressa, sàbudu 17 a Paulle, domigu 18 a Ilartzi e Arborea, mèrcuris 21 torra a Bosa, sàbudu 24 a Sabarussa, domigu 25 a Arcidanu e Abas, su 30 in Làconi e su 31 a Santa Justa.
