Su Responsàbili de su Tzentru trasfusionali de s'ispidali de “San Martino” de Aristanis, dot. Mario Murgia, torrendi gràtzias a chi giai ddu at fatu, at invitau a totu is tzitadinus de andai, finas in su mesi de abrili, a su Tzentru trasfusionali po s'arragorta de is piastrinas.
In Aristanis totu cussus chi bolint donai su sànguni podint andai a su Tzentru trasfusionali de s'ispidali “San Martino” totu is diis de sa cida, foras de su domigu, de is 8:00 de mangianu a is mesudii e no abisòngiat a si allistai in antis.
Me in is biddas is voluntàrius de is setzionis localis de s'AVIS de totu sa provìntzia ant a essi: su 6 in Gonnonò e Mòguru, su 7 in Terraba, su 12 in Santu Lussurzu, su 13 in Sèdilo, su 14 in Marrùbiu e Santeru, su 17 in Bosa, su 19 in Bilàrtzi, su 20 in Paulle, su 21 torra in Terraba e in Arcidanu, su 27 in Fordongianus, su 28 in Arborea e Milis.
A chini bolit andai a donai su sànguni me in is biddas si depit, invècias, allistai in antis me in is seas de s'AVIS.
