Sa Diretzioni generali e s'ufìtziu Integratzioni ispidali-territòriu de sa Asl n.5 ASL de Aristanis portant a connoscèntzia de sa genti ca nci at agiornamentus de calendàriu de is ambulatòrius straordinàrius de comunidadi territorialis de sa provìntzia de Aristanis.
Fordongianus. Su turnu de martis est suspèndiu una scuta, mentras cussu de giòbia 2 de maju est in funtzioni de is 8:30 de mangianu a sa sa 1:30 de meigama.
Gonnacodina. S'abertura de mèrcuris 1 de maju at a essi trantzida a cenàbura 3 de maju, de is 9 oras a is 2 de meigama. A s'ambulatòriu podint intrai is chi tenint sa residèntzia in Bobadri, Baressa, Gonnacodina, Gonnonò, Gonnostramatza, Mòguru, Mragaxori, Pompu, Sìmaba, Sini e Siris.
Masuddas. Lunis 29 e giòbia 2 de maju no at a essi operativu.
Milis. At a essi abertu cenàbura 3 de maju, de is 9 oras a is 2 de meigama e cenàbura 24 de maju sèmpiri de is 9 oras a is 2 de meigama. Podint intrai is tzitadinus de Milis, Bauladu e Tramatza.
Arcidanu. At a essi abertu oi de is 9 oras a is 2 de meigama e giòbia 2 de maju sèmpiri de is 9 oras a is 2 de meigama.
Santulussurzu. Martis 30 de abrili de sa 1 de meigama a is 6 de merii e de is 3 de merii a is 8 de merii.
Santeru. Su turnu de su 3 de maju no at a essi operativu.
Terraba. Su turnu de su 1 de maju dd'ant giai anticipau. Su turnu de su 2 de maju no at a essi operativu, su de s'8 est anticipau a lunis 6 de maju de is 9 oras de mangianu a is 2 de meigama. A s'ambulatòriu podint intrai is tzitadinus de Terraba, Arborea e Arcidanu.
Uras. Su turnu de oi dd'ant giai anticipau.
Is tzitadinus chi non tenint mèigu de famìllia podint andai, sena de pagai, a is ambulatòrius, portendi avatu tèssera sanitària e totu is documentus chi pertocant prescritzionis de meixinas e specialìsticas, po pediri prescritzionis meigas, bìsitas de apretu e non, annou de pianus terapèuticus, ragorta de is fabisòngius domiciliaris, certificaus de maladia e ònnia àtera prestatzioni chi is Acòrdius Colletivus Natzionalis arreconnoscint.
