Su Repartu de Pediatria de su spidali de “San Martino” de Aristanis e sa Fundatzioni “Maruzza”, cun s'agiudu de s'Òrdini de is Mèigus de sa Provìntzia de Aristanis e de “Abbi Group” de is Fradis Ibba, in s'àmbitu de su “Giro d'Itàlia” de is curas palliativas pediàtricas, cuncordant su cunvènniu “L'ordito e la trama per un mantello e un tappeto volante” asuba de s'abecedàriu de is Curas Palliativas Pediàtricas (CPP).
Su cunvènniu s'at a fai cenàbura 14 de làmpadas, a is 9 oras e mesu de mangianu, in sa sala polivalendi de su Tzentru Servìtzius Culturalis UNLA, in sa bia de Carpaccio 9 in Aristanis e est abertu a totu is operadoris de sa saludi (dotoris de ònnia setori, infermieris, educadoris, maistus de scola, genidoris, educadoris sportivus, assistentis sotzialis e sighendi).
Po intrai non si pagat nudda ma abisòngiat a s'allistai in antis a posta eletrònica a s'indiritzu: iscritzione.gcpp24.oristano@gmail.com.
