Su resposàbili de su Centru trasfusionali de s'ispidali “San Martino” de Aristanis fait apellu e invitat a totus a donai su sànguni in su mesi de maju puru.
In Aristanis, is chi bolint podint andai a s'ispidali, de is 8 de mangianu a is mesudii, de su lunis a su sàbudu sena de si fai annotai in antis. Me in is biddas de sa provìntzia s'ant a arregolli is sachitas de sànguni sàbudu 4 de maju a Suni, domigu 5 a Mòguru e Crabas, mèrcuris in Bosa, cenàbura 10 a Bilartzi, sàbudu 11 a Bauladu, e domigu 26 de maju a Marrùbiu e Baressa. Sàbudu 18 de maju a Paulle, domigu 19 in Arcidanu, cenàbura 24 a Bosa, sàbudu 25 in Sabarussa, domigu 26 de maju in Bilartzi e Abas. In prus lunis 20 de maju s'at a fai un'arregorta a posta in Abbasanta in su Scuadroni Eliportau de is Cassadoris de Sardigna.
