Su fumetu “Stigma” est su resurtau de su laboratòriu creativu asuba de fumetus chi ant fatu is piciocheddus cun istroddu de su campu autìsticu po achiriri autostima e po s'acomunai apari, ma finas etotu est serbiu a fai prus bellu e profetosu su caminu insoru de curas
Su progetu est de sa Strutura Cumplessa de Neuropsichiatria de s'Infàntzia e de s'Adolescèntzia e de su Dipartimentu de Saludi Mentali e Dipendèntzias de sa ASL n.5 de Aristanis cun su cuntributu de sa Presidèntzia po su Consillu de is Ministrus e de su Ministeru po sa disabilidade e s'est fatu gràtzias a sa Cooperativa ECAP e s'Acadèmia de Arti de Casteddu.
