Sa Diretzioni sanidària de su spidali “San Martino” de Aristanis fait a sciri a totu is tzitadinus e a is dipendentis, ca cras, mèrcuris 28 de austu s'intrada a su spidali in sa bia de Rockeffeller at a abarrai serrau po mori de traballus de fai.
S'at a podi intrai a su spidali de un'àtera intrada, giai sèmpiri serrada, de sa bia de Rockeffeller prus a innantis de cussa principali, acanta a sa bia de D'Annunzio.
S'intrada carraja s'at a aberri sceti po is categorias prus dèbilis, comenti a is portadoris de andicap, patzientis chi depint fai diàlisi, fèminas prìngias, patzientis po su prontu sucursu e ambulàntzias, mentras no ant a podi passai de inguni is màchinas de is dipendentis chi podint parchegiai in su parchègiu de palas.
Acontessendi de no acabbai cras is traballus is prescritzionis ant a balli finas po sa dii 29 de austu.
In ònnia modu nci at a ai personali incarrigau aposta a donai informus in s'intrada.
