Su Consultòriu Familiari de Aristanis at cuncordau una carrela de atòbius a pitzus de s’adolescèntzia partziu in duus, unu po is genidoris “Spazio genitori” e s’àteru po is piciocheddus “Speciale adolescenza”.
“Spazio genitori” inghitzat su 19 de custu mesi cun su tema “Comprendere l’adolescenza: che ansia la scuola”, po imparai a arreconnosci is cambiamentus de is fillus e a ddus agiudai candu s’agatant mali a scola. Su 3 de su mesi de idas, invècias s’arraxonat de “Le relazioni difficili”, de comenti parai faci e afortiai is acàpius familiaris. Su 10 de su mesi de idas at a tocai a “Sessualità, adolescenza e genitorialità”, chistionendi de comenti a ndi pesai a is fillus e de comenti tocat a si pigai a coru de sa personi e de is sentimentus. Su 18 s’atòbiu pertocat “Le incertezze dell’identità”, de comenti acumpangiai a is fillus candu funt dudosus de s’identidadi de gèneri insoru e disforia.
Is atòbius s’ant a fai sèmpiri a merii movendi de is 5 e mesu finas a is 7, in su Consultòriu Familiari in sa bia de Carducci n.41 a su de 4 pianus.
Si podit pigai parti a unu o a totu is atòbius allistrendi-sì in antis a telèfonu, a su nùmeru 339 8738488, o a posta eletrònica a is indiritzus psicologoconsultorio.or@asloristano.it o benesserepsicologico.consultorio@asloristano.it
“Speciale adolescenza” est una carrela de atòbius chi pertocant a is piciocheddus de 14-15 e 16 annus.
Si inghitzat oi, 12 de onniasantu cun su tema “Che ansia la scuola!”, at a sighiri s’atòbiu de su 26 cun “Le relazioni che mi mettono a disagio!” anca s’at a arraxonai de is raportus trobeddosus cun is genidoris, maistus, amigus e àterus. S’11 de su mesi de idas s’at a fueddai de “Sessualità e dintorni”, po connosci sa pròpia personi, sa pagu seguresa e svilupai su sensu de intimidadi. Su 17 de su mesi de idas, s’at a tocai su tema “Io chi sono…”, a pitzus de is dudas de identidadi de gèneri e de disforia.
Is atòbius s’ant a fai sèmpiri a merii movendi de is 4 finas a is 6, in su Consultòriu Familiari in sa bia de Carducci n.41 a su de 4 pianus.
Si podit pigai parti a unu o a totu is atòbius allistrendi-sì in antis a telèfonu, a su nùmeru 339 8738488, o a posta eletrònica a is indiritzus psicologoconsultorio.or@asloristano.it o benesserepsicologico.consultorio@asloristano.it
Totu is atòbius funt a indonu.
