Sa ASL n.5 de Aristanis fait a sciri ca su pediatra puru si podit sceberai de domu po mesu de su servìtziu in lìnia de sceberu e rèvoca de su mèigu de basi e de pediatra.
A chini interessat depit intrai a su giassu regionali ZenteWeb a s’indiritzu
https://zente.sardegnasalute.it/
Cun custu servìtziu su tzitadinu non depit prus andai a is sportellus de sa ASL.
Su sceberu de su pediatra ddu depit fai unu genidori o tudori legali de su pipiu, ponendi-nci s’identidadi digitali sua, cun SPID o Tèssera sanidària o Carta de Identidadi Eletrònica.
Podint intrai a su servìtziu sceti is tzitadinus chi ant giai fatu is 18 annus de edadi.
Su giassu ZenteWeb, in prus, ponit a disponimentu informus asuba de is dotoris, is oràrius de ambulatòriu e indiritzus. Is gosadoris podint castiai is datus anagràficus insoru, ma finas chi tenint esentzionis e àteru.
Po ndi sciri de prus bai a su giassu de sa ASL de Aristanis.
