In Ùssana est torrada e est acabbendi sa rassinna literària totu in sardu chi at cuncordau su regista e atori Ottavio Congiu.
Is atòbius literàrius fatus me in is bixinaus de sa bidda ant tentu sa mùsica e sa literàdura comenti a tema e ant ospidau atoris, poetas, studiosus e musicistas cun sa tenta de tramandai a is generatzionis nobas totu su chi fait parti de is lìnguas e cultura sarda.
Su 26 de custu mesi nci at a essi un'àteru atòbiu literàriu a is 8 e mesu de merii in sa corti de Minu e Giuseppina Marceddu.
