Dae su 30 de trìulas a su 21 de austu 2022, in Samugheo, in sos locales de s’ex Cantina sotziale in sa carrera Brigata Sassari, si podet visitare TESSÌNGIU, sa Mustra de s’Artigianadu Sardu.
Sa mustra est aberta ogni die in custos oràrios: 10:00 - 13:30 e 15:30-20:30.
Su billete costat 4,00 èuros e balet fintzas pro visitare su Museu Ùnicu Regionale de s’Arte Tèssile Sarda.
Non pagant sos pitzinnos fintzas a sos dòighi annos, sos disàbiles, sos residentes e sos de orìgine de Samugheo.
Sa mustra TESSÌNGIU est promòvida dae su Comune de Samugheo in collaboratzione cun sa Pro Loco de Samugheo. In sas chidas de sa mustra sa bidda at a èssere impignada cun unos cantos eventos e atividades dedicados a s’artigianadu e a sas traditziones chi tenent sa punna de fàghere connòschere su territòriu, sos talentos e s’abilesa de custa comunidade.
Fintzas a su 28 de austu si podet visitare ancora sa mustra DESIGNERS – Idee e progetti per l’artigianato sardo"/ DESIGNERS – Ideas e progetos pro s'artigianadu sardu” inaugurada su 04 de su mese de làmpadas in su Museu Ùnicu Regionale de s’Arte Tèssile Sarda MURATS, in sa carrera Bologna s.n.c., in Samugheo etotu.
MURATS - Museu Ùnicu Regionale de s'Arte Tèssile Sarda
Carrera Bologna, s.n.c. - 09086 Samugheo (Aristanis)
Posta eletrònica: museomurats@gmail.com
Situ web: www.murats.it
Facebook: www.facebook.com/museomurats
Telèfono: +39 0783 631052
(MM)
