Acordu intre Regione e partes sindacales: sos dotores de base ant a pòdere fàghere sos vatzinos contra de s’influèntzia. S’acordu cun s’Assessoradu de sa Sanidade capitanadu dae Carlo Doria est istadu fatu in sas dies passadas.
Su documentu est comente cussu firmadu in s’atòngiu de su 2021, semper pro sos vatzinos contra de s’influèntzia. Ocannu su permissu est imbàtidu in ritardu mannu, a pustis de meses de polèmicas intre Regione e dotores, lamentosos ca sos acordos firmados in antis non fiant istados rispetados.
Pro custa resone in sos meses colados sos dotores de famìllia aiant minetzadu de non fàghere vatzinos.
Dae carchi chida, però, sos dotores de meighina generale aiant comintzadu a fàghere sos vatzinos a sos malàidos prus graves.
(GF.P.)