Est prorogada a su 6 de làmpadas 2022 s’iscadèntzia pro presentare sas domandas de su bandu de sa sutamisura 6.1 Agiudos a sos massajos giòvanos pro abèrrere impresas (Aiuti all'avviamento di imprese per i giovani agricoltori).
Obietivu de s'interventu est cussu de "favorèssere s’intrada de massajos cualificados a manera adeguada in su setore agrìculu e, de pretzisu, pro chi giòvanos preparados potzant sostituire sos massajos prus antzianos".
Benefitziàrios de s’agiudu sunt sos massajos giòvanos chi pro sa prima borta ghiant un’azienda agrìcula. S’agiudu dadu est unu prèmiu forfetàriu pro chi su massaju giòvanu aviet s’atividade de impresa.
Sos benefitziàrios de su prèmiu depent èssere residentes in Sardigna e depent tènnere sa tzitadinàntzia de unu de sos Istados membros de s'U.E. o status parificadu.
S'importu forfetàriu de su prèmiu pro aviare s'atividade de impresa dae parte de su massaju giòvanu est 35.000 èuros.
In su situ istitutzionale de sa Regione si agatant totu sos documentos.
(MM)
