Seminàriu "Parlare di cinema / Faeddare de tzìnema" 2022
Andare al cinema fa bene / Andare a su tzìnema faghet bene
a incuru de Bruno Fornara
A pustis de duos annos chi non s’est fatu, pro more de s’emergèntzia sanitària, in su mese de Onniasantu in su Tzentru Servìtzios Culturales UNLA de Aristanis torrat s’"istòricu" seminàriu Parlare di Cinema / Faeddare de Tzìnemas cun Bruno Fornara (crìticu de “Cineforum”, dotzente de tzìnema in s’Iscola Holden de Torinu e seletzionadore pro sa Mustra de Arte Tzinematogràfica de Venètzia).
Cun argumentos semper diferentes, su cursu tenet sa punna de dare inditos de connoschèntzia pro cumprèndere mègius sos film e est divènnidu un’addòbiu abituale e ispetadu pro sas persones interessadas a sa cultura tzinematogràfica.
In s’editzione 2022 de Parlare di Cinema / Faeddare de Tzìnema, dae lunis 14 a chenàbura 18 de Onniasantu (Lun-Mar-Mèr-Giòb 16.00-20.00, Chen 15,00-17,30) in sos locales de su Tzentru Servìtzios Culturales in sa carrera Carpaccio 9 in Aristanis, s’at a tratare su tema "Andare al cinema fa bene / Andare a su tzìnema faghet bene" .
Intrada est lìbera
Pro partetzipare a su seminàriu tocat a èssere iscritos a su Tzentru Servìtzios Culturales. S'iscritzione est gratùita.
Su Tzentru Servìtzios Culturales pedit su praghere de avisare a àtere interessados a su seminàriu.
Ischeda "Andare al cinema fa bene / Andare a su tzìnema faghet bene"
Torramus a tzucare. Dd’ischimus: “Andare al cinema fa bene / Andare a su tzìnema faghet bene”. Tenimus una colletzione bella de film de su 2019, 2020 e 2021. Unu giru de su mundu. E a su cursu nde bato medas àteros...
I miserabili. Parigi, oe. Non cussa de Victor Hugo. Periferia, politzia, delincuentes, unu lioneddu furadu. Ennio. Tornatore contat de Morricone. Film de poesia manna. Qui rido io. Martone contat de Scarpetta, òmine de teatru de importu mannu. Su gosu de su palcu de teatru. Illusioni perdute. ‘Film a tràgiu de Balzac’. Cattive acque: una battalla, su massaju e s'azienda chìmica. Lunana – Il villaggio al confine del mondo. Madd’ais bidu mai unu film dae su Bhutan? Babyteeth: Austràlia, sa dentighedda de sa pitzochedda e su giòvanu isbandadu. Martin Eden, Jack London trasferidu a Nàpoli. «La mediocridade enorme e sentza amore de sa borghesia». Richard Jewell. Unu de sos film prus bellos de Clint Eastwood. Unu de sos suos “eroes de prus pagu importu”. Aria ferma. Unu de sos mègius film italianos de sos annos nostros. Sa presone comente logu de umanidade. Dio è donna e si chiama Petrunya. Unu film da sa Matzedònia. Sa regista est una fèmina. Petrunya isfidat sos mascros presumidos e barrosos. Scompartimento n. 6. Un’amore (istrambu) in trenu in su gelu russu. La vita invisibile di Euridice Gusmão. Brasile, duas sorres, su prantu, su silèntziu, s’abòghinu. J'accuse – L'ufficiale e la spia. Est semper mannu Polanski. Su casu Dreyfus, su protzessu e sa beridade. Il ritratto del duca, Il capo perfetto, Mandibules, Finale a sorpresa: totu cumèdias, brillantes, acutzas, tontas. The father – Nulla è come sembra. Su babbu betzu. Logu e tempus bistos dae a intro de sa mente sua. Tre piani. Nanni Moretti e su tema suo ossessivu: babbos/mamas–fìgios/fìgias. Belfast. Unu pitzocu in mesu de sas bombas. Open arms – La legge del mare. Lesbo, sos mortos in sas undas de su mare. Chie ddos sarvat? Unu catalanu! Marx può aspettare. Marco Bellocchio contat de issu etotu. Film bellu meda meda. Parasite. Corea de su Sud. Sos ricos semper ricos. Sos pòberos contra de sos pòberos. Su fundagu e sa ventanedda. Quo vadis, Aida? S’istrage de Srebenica. Una fèmina gherrende. E s'Onu? Nomadland. S'Amèrica de chie non tenet e non cheret una domo. Nomadismu de oe. Drive my car. Unu film istraordinàriu. Giapone. Vida e teatru, retzitare e èssere. Alice e il sindaco. Lione. Su sìndigu non tenet prus ideas. Sa pitzoca eja. After love. Delicadu, garbosu, chi non si podet indovinare. Su primu film, bellu meda, de Aleem Kham. (Bruno Fornara)
(MM)
