Mèrcuris 27 de trìulas a sas 7 de sero (h 19,30), sa professora Anna Depalmas dotzente de Preistòria e Protoistòria in s’Universidade de Tàtari, impignada in unu traballu de chirca riferida a s’època nuràgica (òrdine territoriale, insediamentos e organizatzione de sa sotziedade in sas comunidades protoistòricas) at a resonare cun su diretore de su museu Momo Zucca faeddende de sa figura de sa fèmina e de su cambiamentu in sa rapresentatzione sua, dae cando sa fèmina fiat mitizada comente “dea-mama” in època eneolìtica a cando l’ant rapresentada comente fèmina reale in sa prima edade de su ferru.
Pro partetzipare si pagat 5 èuros e est mègius a si prenotare telefonende a su nùmeru 0783-791262.
(GF.P.)
