Custas dies, in su de duos addòbios territoriales chi pertocant su Pianu regionale de sa rete de sa portualidade turìstica, s’Assessore de sos Traballos Pùblicos Aldo Salaris at resonadu cun sos chi tenent interessos pùblicos e privados de s’isvilupu de sas infrastruturas de sos portos de sa costera otzidentale e nord otzidentale. Pro sa provìntzia de Aristanis sunt interessadas: Aristanis, su Sinis e Bosa.
Como su Pianu est in sa fase de Vas, Valutatzione ambientale istratègica, netzessària pro garantire sa tutela de s’ambiente permitende s’isvilupu chi est postu in contu in su Pianu etotu.
Su Pianu tenet fintzas sa punna de assegurare sa navigatzione in seguresae, duncas, ant a èssere fatas istruturas e cuncordados servìtzios de importu mannu, fintzas in casu de tempus e mare malu, chi ant a agiudare s’isvilupu de atividades turìsticas meda prus meses a s’annu.
Su Pianu ponet in contu de pòdere navigare a inghìriu de s’ìsula intrea.
(MM)
