Su 13 de làmpadas iscadint sos tèrmines pro s’iscrìere a sa de ùndighi editziones de su Cuncursu “Domos Froridas” organizadu dae su Rotary club paris cun su Rotaract e sos àteros duos club de servìtziu aristanesos Soroptimist e Lions, cun s’agiudu de su Comune de Aristanis.
Su cuncursu est nàschidu in su 2012, ideadu e coordinadu dae Maura Falchi e Egle Spinardi sòtzias de su Rotary Club de Aristanis, pro agiuare sa gente a partetzipare in manera ativa a sa vida de sa tzitade, faghende crèschere su rispetu pro sos logos pùblicos pro mesu de sa cura de balcones, suteas e giardinos. Ocannu
Pro s’icrìere a su cuncursu non si pagat. Chie bi cheret partetzipare si podet iscrìere a una de sas categorias istòricas e imbellire a gustu suo ventanas, balcones, suteas o giardinos cun fores e prantas de cale si siat tipu. Ocannu b’at finas una setzione pro sos pitzinnos e un’àtera chi prèmiat sa rosa prus antiga e profumada de Aristanis.
Sos binchidores los at decretat una giuria fata dae sos sòtzios de sos club chi organizant e dae chie sustenet s’initziativa.
Si in sos annos colados sa pandemia no at permìtidu de andare a bìere sos balcones, ocannu ocannu sos espertos ant a andare dae domo in domo pro documentare cun fotografias sos giardinos, balcones e ventanas iscritos. Chie cheret podet publicare sos frores suos in sa pàgina Facebook “Concorso Case Fiorite”.
Sa premiatzione s’at a fàghere a fine de làmpadas: sos primos tres classificados de sas categorias clàssicas ant a tènnere bonos de ispesa de 100, 75 e 50 èuros. Pro sos pitzinnos e pro sa rosa antiga b’at a àere prèmios ispetziales.
Su cuncursu s’est pòdidu fàghere pro more de s’agiudu de sos isponsor chi ocannu sunt istados meda. Sos organizadores torrant gràtzias a Garden Casula, Crai, Centro dei Fiori, Floricoltura Massidda, Garden Chessa, Vivaio Nonnis, Fiori e piante Giardino Elisa, Vivaio I Campi, Vicino a te, Agros, Stilnovo La Murrina, Azienda Agricola Falchi, Ros’e Mari, Florart, Libreria Mondadori e a su Comune de Aristanis chi at dadu su patrotzìniu.
(GF.P.)
