Ita est Common Voice? Est s’arregorta aberta de boxis prus manna de su mundu e chi permitit a
totus duncas de creai tecnologias de riconnoscimentu de boxis in totu is lìnguas.
Sighit cun custu progetu sa collaboratzioni tra Sardware, grupu de ativistas po sa tecnologia in
lìngua sarda e Mozilla, s’azienda californiana, chi iantgiai traballau a manu de pari po cuncordai
su navigadori Firefox.
Common Voice traballat gràtzias a s’agiudu de is utentis chi donendi s’agiudu e sa boxi insoru
permitint de creai database de àudius chi serbint a is motoris de arriconnoscimentu de boxis. Prus
ant a èssiri is boxis arregistradas e prus pretzisus ant a èssiri is sistemas de reconnoscimentu de
boxis de su bennidori.
A imperai is tecnologias est de importu mannu po sarvai is lìnguas de minoria e duncas finas su
sardu; difati a dii de oi totu si movit intru de issas. Po nai, eus a podi fai domandas in sardu a
alexa o siri e issas s’ant a arrespundi in sardu,e prus eus a collaborai cun CommonVoice e prus
ant a èssiri pretzisas.
Su funtzionamentu de sa prataforma est fàcili: po agiudai a fai una arregorta de boxis sèmpiri prus
manna fait a sighiri custu link h ttps://commonvoice.mozilla.org/sc e sceberai “CHISTIONA”,
si si bolit donai sa boxi o ASCURTA si invecis si boLit agiudai a cunfirmai is boxis chi ddui sunt
giai. Fait finas a aciungi fràsias scritas.
Sardware pensat chi siat responsabilidadi de totus a agiudai a non fai sparessi su sardu, biu ca
nci est su perìgulu chi intra de custu sèculu si perdant tra su 50% e su 90 % de is lìnguas de su
mundu , finas cusSas de minoria.
Po custa arraxoni is ativistas de Sardware pedint a sa sotziedadi sarda de abarrai informaus a
pitzus de su chi pertocat is produtus , finas tecnològicus, chi sunt a disponimentu in sardu, fadendi
ammanniai sa cussièntzia linguìstica finas in famìllia e cun is amigus.
