S’Assessoradu a sos Servìtzios Sotziales de su Comune de Aristanis at publicadu sa graduatòria provisòria de sos chi sunt intrados in graduatòria pro tènnere sos agiudos econòmicos pro sos asilos-niu, pro sa segunda parte de su 2022 (cabudanni – nadale), e de sos chi sunt ammìtidos “cun riserva” a sa graduatòria de sa prima parte de su 2022.
“Custu provedimentu est fatu pro permìtere de impreare sos servìtzios pro pitzinnos minores, eliminende su pagamentu pro chie devet andare a sos “nios” e “micro-nios” pùblicos e privados – ispiegat s’assessore a sos Servìtzios Sotziales Alessandra Porcu -. A sas famìllias si lis dat unu màssimu de 200 èuros a su mese pro 11 meses, ma custu interventu podet andare paris cun àteros provedimentos pro agiuare sa famìllia e si podet pedire pro onni pitzinnu chi no imbatet a sos tres annos”.
Chie est interessadu podet mandare una mail a s’indiritzu primainfanzia@comune.oristano.it intro de mesudie (h 12,00) de su 14 de martzu 2023.
Abbàida sa graduatòria provisòria in su situ de su Comune de Aristanis.
(GF.P.)
