Sa Regioni at publicau s'avisu: “Prèmiu Luigi Crespellani" po sceberai is entis localis sardus chi su sunt sceraus po s'abilesa de cuncordai e manigiai funtzionis insoru, a manera assotziada, lompendi a arresultaus bellus meda fintzas po is tzitadinus.
Su prèmiu bolit sceberai e finanztiai:
- Progetus chi sunt cumintzendi;
- Progetus in cursu
- Progetus giai acabbaus
Sa punna est cussa de ancorai e afortiai s'unioni e su traballu a manu de pari tra comunidadis e comunus chi sunt s'unu acanta de s'àteru.
Su cuncursu at a premiai prusatotu is progetus chi:
ant a èssiri capassus de imperai su paesàgiu in sa manera giusta, cun atividadis chi tèngiant in contu su svilupu sustenìbili, s'afortiamentu de sa solidariedadi e de s'inclusioni sotziali, s'amparu de su patrimòniu stòricu, sa bellesa urbana.
Su prèmiu s'at a giai a is primus tres progetus classificaus:
-
A su primu progetu s'at a donai unu finanztaimentu de 50.000,00 èurus
-
su segundu progetu at a arriciri unu finatziamentu de 30.000,00 èurus
-
su de tres progetus at a arriciri unu prèmiu de 20.000,00 èurus;
Sa domanda si fait feti in lìnia in su portali www.sardegnaautonomie.it; e depit arribai intra sa mesunoti de su 15 de su mesi de ladàmini de su 2024
Is acraramentus fait a ddus domandai a:
dotori Luca Gala:tel. 070 - 606 8220e-mail: lgala@regione.sardegna.it
sennora Daniela Orrù tel. 070 – 606 7893 e-mail: dorru@regione.sardegna.it
Pec: enti.locali@pec.regione.sardegna.it
e-mail: eell.servizio.entilocali@regione.sardegna.it
