Sa Provìntzia de Aristanis cheret formare collaboradores pro agiudare in sa gestione faunìstica de unas cantas ratzas de animales agrestes: cun custu bandu si dat s’oportunidade de leare parte a sos cursos dedicados.
Sos cursos pro formare sos “collaboradores’’ naschent dae sa netzessidade chi sa Provìntzia de Aristanis tenet de tènnere s’agiudu de persones ispetzializadas pro s’acumprimentu de sas atividades in matèria de gestione faunìstica.
[…]
S’Amministratzione Provintziale cuncordat cursos de formatzione e abilitatzione pro sos afitèvoles, meres de terrinos agrìculos e/o delegados issoro e de agiornamentu de sos operadores giai abilitados dae sa Provìntzia cun cursos giai fatos pro s’atividade de controllu de sos animales agrestes.
Sos operadores chi ant giai fatu su cursu de formatzione e sunt giai abilitados, ant a èssere de agiudu in totu sas atividades chi tenent luego bisòngiu de interventos in matèria de gestione faunìstica e de pretzisu de preventzione e de controllu de sos dannos chi sos animales agrestes faghent a sas coltivatziones e a sas produtziones zootècnicas.
Sa partetzipatzione a su cursu e a sas atividades de controllu printzipiadas dae sa Provìntzia est voluntària e non dat diritu perunu de cumpensu a chie bi partètzipat.
- Chie cheret partetzipare a su cursu depet:
- a) èssere residente in unu de sos Comunes de sa Provìntzia de Aristanis,
- b) presentare sa domanda pro partetzipare a su cursu compilende su Mòdulu chi est in s’Allegato A de su Bandu.
- Sos interessados chi cherent leare parte a sos cursos depent fàghere arribare sa domanda, cumpilada in su mòdulu all. A de su Bandu, a sa Provìntzia de Aristanis, Setore Ambiente e Atividades Produtivas, Carrera Carboni snc, 09170 Aristanis, cun cunsigna a manos a s’Ufìtziu Protocollu o dda depent mandare cun sa Pec a s’indiritzu provìntzia.aristanis@cert.legalmail.it
- S’iscadèntzia est su 16/05/2022 e sas domandas chi ant a arribare a pustis no ant a èssere vàlidas.
[…]
Su cursu s’at a fàghere in su Palatzu de sa Provìntzia; in casu si càmbiet sede totus ant a èssere avisados luego.
Su calendàriu de sas letziones at a èssere comunicadu a totu sos partetzipantes, cando ant a èssere detzìdidas sas oras e sas dies.
In unu registru, firmadu ogni die dae sos cursistas, ant a èssere marcadas sas presèntzia e sas assèntzias dae su cursu.
A s’acabbu de su cursu est previdida una prova de esame iscrita chi at durare a su prus 1 ora, cun 35 domandas a risposta mùltipla.
[…] Su candidadu at a èssere cunsideradu idòneu si respondet a manera giusta a 35 de sas domandas. Si respondet a manera giusta a su nessi a 30 domandas de s’esame iscritu at a dèpere fàghere unu collòchiu orale.
Sos candidados chi no ant a resurtare idòneos in su primu esame ant a pòdere fàghere un’àtera prova de esame chi at a èssere cunvocada a intro de tres meses.
[…]
In sa pàgina printzipale de sa Provìntzia www.Provìntzia.or.it si agatant:
su Bandu de seletzione
su Modellu de domanda
(MM)
