Su cuncursu est partziu in duas setzionis: poesia a tema de amori (setz.A) e a tema lìberu (setz.B).
Podint pigai parti a su cuncursu de poesia totu is poetas chi tenint sa residèntzia finas foras de s'Ìsula. Is traballus no ant a depi sartai 40 versus, podint essi scritus in cali si siat variedadi de sa lìngua sarda e non depint essi giai imprentaus o premiaus in àterus cuncursus.
Is traballus non s'ant a torrai acoa e is chi pigant parti a su cuncursu depint donai s'autorizatzioni a publicai in rivistas, giorronalis e sighendi sena de pretendi de si fai pagai.
Nci ant a essi is prèmius po su I, II e III postu.
Is poesias depint arribai a su Comunu de Biddanoa 'e Tulu aintru de su 14.04.2024 e si podint mandai siat a posta a paperi o a posta eletrònica.
Po ndi sciri de prus ligi su regulamentu in su giassu istitutzionali de su Comunu de Biddanoa 'e Tulu.
