BANGIOS – Bidda antiga de orìgini medievali chi faiat parti de su Giudicau de Arbarei, in sa Curadoria de Campidanu de Simaghis
Sa bidda fiat bastanti losana ma iat inghitzau a si sboidai apustis sa pesta de su 1376 e in antis de s'acabbu de su XIV sèculus sa populatzioni si nci fiat andada in totu.
BOACZI - Bidda antiga de orìgini medievali chi faiat parti de su Giudicau de Arbarei, in sa Curadoria de Campidanu Majori.
S'agatàt in su sartu pagu atesu de Donigala Fenughedu.
Custa puru iat inghitzau a si sboidai apustis sa pesta de su 1376 e in antis de s'acabbu de su XIV sèculus sa populatzioni si nci fiat andada in totu.
ZURÀDILI – Bidda antiga de su Giudicau de Arbarei, in sa curadoria de Bonorcili.
S'agatat in su sartu chi immui est de Marrùbiu.
Arrutu su Giudicau sa genti sua iat inghitzau a si nci andai po nexi de s'afracada contìnua de is corsarus barbariscus movendi de su sèculu XV. In su sèculu afatanti sa bidda fiat ispèrdia e mudada a pauli anca si cuànt bandius perigulosus chi strobbànt a is biaxadoris in su tretu Casteddu-Aristanis. In su 1644 a Filipu Lepori e a Pedru Deidda iant cuntzèdiu de ndi torrai a pesai sa bidda bonifichendi-ndi su pauli. Dda iant torrada a pesai ma pagu apustis, morrendi Lepori, dda iant torrada a abandonai po nexi de s'ària mala chi ddui fiat, is bividoris suu, a ghia de Antiogu Caboni si nci fiant cambiaus in su sartu de Marrùbiu.
Novas pigadas de “Enciclopedia della Sardegna”
