Su Responsàbili de s'Ufìtziu Tècnicu de su Comunu de Biddobrana fait a sciri ca depit assinnai, a manera sperimentali, in comodau de usu gratuiu, 20 pasteras de linna, a mannesa diferenti, po tres annus.
Is pasteras s'ant a assentai in solu pùblicu po fai partecipai a tzitadinus, tròparas de tzitadinus, impresas, assòtzius, scolas ò aterus a sa sarvaguàrdia de su territòriu comunali e a s'autogestioni de su patrimòniu comunali, po recuberai logus birdis pùblicus, po fai cresci sa collaboratzioni de is tzitadinus a s'incuru de is logus pùblicus, po ndi pesai ocasioni po s'abitai apari.
Su cuncessionàriu de sa pastera dda at a limpiai de s'erba mala, de s'àliga, nci at a prantai froris e matixeddas, dda at a acuai.
Sa cuncessioni at a durai 3 annus e s'at a podi annoai.
Podint fai rechesta de cuncessioni is tzitadinus de Biddobrana. S'istàntzia a paperi sena de bullu, si depit sterri segundu a su mollu A e at a depi arribai a su Comunu aintru e sena de sartai sa 1:00 de meigama de su 25-06-2024.
Po ndi sciri de prus ligi s'avisu cumpretu in su giassu istitutzionali de su Comunu de Biddobrana.
